BLY INGELIG

VRAE EN ANTWOORDE

Doel van Die Portaal

• Wees deel van die volgende fase van Kleinfontein se groei en kry al jou bekommernisse en vrae beantwoord.
• Ons fokus nou op:
  • Die Formalisering en Wettiging van die ontwikelling
  • Die Agterstallige Erfbelasting met Boetes betaalbaar
  • Die Finansiering van bogenoemde 2 uitdagings
• Alles moet plaasvind in volle deursigtigheid aan aandeelhouers en huurders
• Met die beskerming van alle aandeelhouers en huurders se belange en beleggings
• Deur ‘n span kundiges wat die proses sal bestuur
• Altyd in die beste belang van al die aandeelhouers en huurders.
• Volg die volledige proses, stapsgewys, lewer self insette en kommentaar en vra daardie moeilike vrae.
• Antwoorde op al jou vrae sal hier op KIV se Agenda 25/30 Platform beantwoord word.
• Agenda 25/30 sal jou deurlopend inlig oor die volgende stappe wat geneem gaan word en die uitdagings wat die hoof gebied moet word.
• Bly ten volle ingelig deur hierdie tydperk en skud die vrees en onsekerheid af.
• KIV is pro aktief betrokke met verteenwoordiging in die stadsraad deur kundiges wat Kleinfontein se belange op die hart dra en deeglik deur KIV ingelig is wat betref die beperkings en vrese van al die inwoners van Kleinfontein, beide die aandeelhouers asook die huurders.

AGENDA 25/30

• Agenda 25/30 verwys na die periode 2025 tot 2030 waarbinne die Formalisering van Kleinfontein afgehandel moet word en die agterstallige Erfbelasting rekening met boetes aangespreek moet word. KIV sal deurlopend teenwoordig wees om die stappe en voorstelle te beoordeel en wysigings aan te beveel waar die aandeelhouers en huurders se belange nie eerste gestel word nie. Ernstige optredes deur KIV om prosesse te stop is ook nie uitgesluit nie.

Kern Doelwitte op die Aksieprogram

1. Die formaliseringsproses van Kleinfontein sal hoogste prioriteit geniet aangesien die Stad Tshwane Metropolitaanse Munisipaliteit deur die regter se hofbevel beveel is om onmidellik toe te sien dat Kleinfontein aan al die voorgeskrewe wetgewing voldoen.
2. Elke afdeling van die formaliseringsproses sal deur die beste kundiges volgens munisipale voorskrifte voorberei en voltooi word.
3. Die beste professionele kundiges sal vir die offisieele voorbereiding van vereisde dokumentasie vir formalisering en volgens daardie kundiges se voorskrifte afgehandel word.
4. Die vordering met en uitdagings om te oorkom in die proses van formalisering sal te alle tye openlik en volledig met beide aandeelhouers en huurders in hierdie portaal gedeel word.
5. Die agterstallige en uitstaande erfbelasting soos gefaktureer aan Kleinfontein deur die Tshwane Metropolitaanse Munisipaliteit sal onmidellik met ontvangs met aandeelhouers en huurders op hierdie platform gedeel word.
6. Finansieringsopsies vir formalisering en erfbelasting sal met totale deursigtigheid met aandeelhouers en huurders op hierdie platform gedeel word.
7. Die huidige voorsiening van elektrisiteit deur die direksie aan Kleinfontein geskied sonder ‘n vereiste NERSA lisensie asook binne die lisensiegebied van die Tshwane Metropolitaanse Munisipaliteit en moet so gou moontlik reggestel word ten einde die voortgesette stabiele lewering van elektrisiteit aan Kleinfontein te verseker en KIV sal die regstelling van die toedrag van sake met ywer najaag.
8. Die KSK Finansieele Kooperatief Beperk, Kleinfontein se eie bank word tans ondersoek om sekerheid te verkry dat die bank aan al die regulatoriese wetgewing voldoen en terugvoer in die verband sal aan aandeelhouers en huurders deurgegee word op hierdie portaal.
9. Ander moontlike kriminele aktiwiteite van verskeie persone word tans ondersoek en sal opgevolg word deur formele kriminele klagtes waar van toepassing ten einde sulke optrede in die toekoms te verhoed. Veral waar aandeelhouers finansieele verliese gely het as gevolg van sulke kriminele optredes gaan onverbiddelik teen diesulkes opgetree word.
10. KIV sal alle moontlike stappe en optredes neem om al die verskillende belange van die aandeelhouers en huurders in Kleinfontein te beskerm. In hierdie verband sal KIV waarskynlik die aandeelhouers nader om behulpsaam te wees met die voltooiing van dokumentasie om belange te beskerm. KIV sal in sulke gevalle die aandeelhouers bystaan met die voltooiing van die vorms met die korrekte inligting ten einde sulke sake suksesvol te beveg.
11. Probleme, Bekommernisse en Ongerymdhede aangemeld sal mettertyd by KIV se lys hier bygevoeg word en onmidellik aandag geniet.

Bly Ingelig en Vra Enige Vrae Anoniem

WIE IS KIV

KIV se Ontstaan

• In Februarie 2020 het ‘n klompie besorgde mense, almal aandeelhouers, op Kleinfontein Afrikaner Kultuurdorp bymekaar gekom en besluit om ‘n Vereniging te stig wat moet omsien na die belange en beleggings van die landgoed en sy inwoners.
• Die doelstelling van die KIV is om die individuele en gemeenskaplike belange van nie net die lede van KIV nie maar al die aandeelhouers en huurders van eiendomme in Kleinfontein te bevorder en te beskerm.

KIV Visie en Missie

Visie

• Visie van die KIV is om ‘n vooruitstrewende Kleinfontein te sien wat op ordentlike, eerlike beginsels gegrond is en wat sal groei tot ‘n vooruitstrewende en gesogte Afrikaner landgoed.

Missie

• Die KIV missie is ‘Kleinfontein Eerste’. Dat die KIV binne die raamwerk van die akte van oprigting, opreg en wetlik sal handel om Kleinfontein te beskerm en te bevorder en sal toesien dat geen persoonlike belange van enige werknemer, amptenaar of direksielid bo die van die maatskappy of Kleinfontein toegelaat of bevorder sal word nie.